الأمثال الشعبية موروث وتراث ثقافي تتوارثه الأجيال، ومن أشهر الأمثال المرتبطة بتاريخ وثقافة البلدان تلك التي تدخل تحت مسمى أمثال شعبية مصرية، فأهل مصر يشتهرن بموروثهم الثقافي والفلكلوري، وكذلك بطريقتهم الساخرة من حياتهم وكل ما يمر بهم، لذا فكرنا أن نجمع مقالنا اليوم باقة كبيرة من أمثال شعبية مصرية.
أمثال شعبية مصرية
- ابن الوز عوام.
- آخر العنقود سكر معقود.
- أنا وأخويا على ابن عمي، وأنا وابن عمي على الغريب.
- اديني عمر وارميني البحر.
- إدي العيش لخبازه ولو يأكل نصه.
- القرد في عين أمه غزال.
- خذ الأصيلة ونام على الحصيرة.
- مد رجليك على قد لحافك.
- ادلعي يا سودا في السنة العوجة.
- أدعي على ابني وأكره اللي يقول آمين.
- صاحب الحق سلطان.
- يا واخد القرد على ماله، يروح المال ويبقى القرد على حاله.
- خطبوها اتعززت فاتوها اتندمت.
- ابعد عن الشر وغنيله.
- من بره هالا هالا، ومن جوه يعلم الله.
- عشمتني بالحلق، خرمت انا وداني، لا وداني خفت ولا الحلق جاني.
- يا داخل بين البصلة وقشرتها ما ينوبك إلا حرارتها.
- اربط الحمار مطرح ما يريد صاحبه.
- اصبر على جار السوء يا يرحل يا تجيله داهية تأخذه.
- اختار الجار قبل الدار.
- أعزب دهر ولا أرمل شهر.
- سبع صنايع والبخت ضايع.
- البعيد عن العين بعيد عن القلب.
- زي اللي رقصت على السلم، لا للي فوق شافها ولا اللي تحت شافها.
- احترت انا معاك والطبع فيك غالب، وديل الكلب لن ينعدل ولو علقوا فيه قالب.
- مبروم على مبروم ميلفش.
- اعمل الخير وارميه البحر.
- خد صاحبك على عيبه.
- قليل البخت يعضه الكلب في المولد.
- لبس البوصة تبقى عروسة.
- اللي اوله شرط اخره نور.
- الكعكة في ايد اليتيم عجبه.
- الخير على قدوم الواردين.
- صباح الخير يا جاري، انت في حالك وانا في حالي.
- وداني البحر ورجعني عطشان.
- يا بخت من بات مظلوم ومبتش ظالم.
- يموت الزمار وصوابعه بتلعب.
- اللي ما تعرفش ترقص تقول الأرض عوجة.
- القرش الأبيض ينفع في اليوم الأسود.
أشهر الأمثال القديمة
- اللي مالوش كبير يشتري له كبير.
- خنفسه شافت ولادها على الحيط قالت ده لولي ملضوم في خيط.
- أعمل حاجتي بإيدي ولا أقول للكلب يا سيدي.
- حسنة قليلة تمنع بلاوي كتيرة.
- لا تعيب على العايب ولا ترقع في الدايب.
- ابن الهبلة يعيش أكتر.
- اللي مكتوب على الجبين لازم تشوفه العين.
- قالت للهم انا رايحة اتفسح قالها هو انا مكسح.
- العرق يمد لسابع جد.
- اللي يصبر ينول.
- في الوش مراية وفي القفا سلاية.
- مصارين البطن تتعارك.
- الغالي تمنه فيه ما يجيبها إلا رجالها.
- اللي بيته من زجاج ميحدفش الناس بالطوب.
- خيراً تعمل شراً تلقي.
- لا تصاحب الأهبل ولا تخلي الأهبل يصاحبك.
- يقتل القتيل ويمشي في جنازته.
- كل تأخيره وفيها خيرة.
- أعمى ويجري فالنخل.
- خليك ورا الكداب لحد باب الدار.
- اجري يا ابن آدم في الدنيا جري الوحوش، غير رزقك لن تحوش.
- اللي قلبه على حبيبه، يدور عليه ويجيبه.
- جه يكحلها عماها.
- متخفش من الهبله خاف من خلفتها.
- يا مآمنة للرجال يا مآمنة للمية في الغربال.
- عاملي ودن من طين وودن من عجين.
- اكرام الندل اجتنابه.
- اطبخي يا جارية كلف يا سيدي.
- تبقى في بقك وتقسم لغيرك.
- تبات نار تصبح رماد.
- آخرة خدمة الغُز علقة.
- ولا ترقع في الدايب ولا تعتب على العايب.
- اللي الدنيا عمته مش زي الي أمه مرجحته.
- اللي يتمنى شوفة حبيبه، زي المريض اللي يستني شوفة طبيبه.
- فات الكثير ومش باقي غير القليل.
- اللي طلع القرد على الشجرة يعرف ينزله.
- اللي جوزها يقول لها يا عورة تلعب بيها الناس الكورة.
- الشاطرة تغزل برجل حمار.
- علي رأي المثل، حسدوا الغجر على ضل الشجر.
أمثال شعبية مصرية راقية
- اللي يحبه ربه يحبب فيه خلقه.
- في التأني السلامة وفي العجلة الندامة.
- الغايب حجته معاه.
- كل عقدة ولها رب يحلها.
- في طلعة البدر من ذا يبصر الشهبا.
- بصلة المحب خروف.
- ضربة المعلم بألف.
- ما يجيبها إلا رجالها.
- يودع سره في أضعف خلقه.
- ايد لوحدها ما تسقفش.
- اللي ملكش فيه، ملكش دعوة بيه.
- الرفيق قبل الطريق.
- من جاور السعيد يسعد.
- العبد في التفكير والرب في التدبير.
- اللقمة الهنية تكفي مية.
- الطمع يقل ما جمع.
- اشتر الجار قبل الدار.
- دنيا كلها تمثيل، وصعب تلاقي البديل.
- الحزن يعلم البكا، والفرح يعلم الزغاريد.
- الديك الفصيح من البيضة يصيح.
- العلم في الراس مش في الكراس.
- لا تعايرني ولا أعايرك.
- من غربل الناس، نخلوه.
- الغالي تمنه فيه.
- تدبل الوردة وريحتها فيها.
- ما كل من لبس العمامة يزينها، ولا كل من ركب الحصان خيال.
- كل تأخيره وفيها خيره.
- اصرف ما في الجيب يأتيك ما في الغيب.
- ادي العيش لخبازه، ولو اكل نصه.
- طول البال يهد جبال.
- امشي عدل يحتار عدوك فيك.
- محدش خالي من الهم، حتى قلوع المراكب.
- ربنا بيرزق الهاجع والناجع والنايم على صرصور ودنه.
- أردب ما هو الك لا تحضر كيله، تتعفر دقنك وتتعب في شيله.
- كله سلف ودين حتى المشي على الرجلين.
- الله يخليكي يا شدة، ياللي بتبيني ده من ده.
- اللي ملوش كبير يشتري له كبير.
- الميه بتكدب الغطاس.
- من شاف بلاوي الناس هانت عليه بلوته.
- كتر البكا يعلم الجفا.
- القفة أم ودنين يشيلوها اتنين.
- يعملها الكبار ويقع فيها الصغار.
- كل واحد ينام على الجنب اللي يريحه.
- أهي ليلة وفراقها صبح.
